سلام ..
قصيده بسيطه مجرد بويتات عبرت فيها عن مشاعري تجاه ماتعرض له الفرعون ..
استلموا :
ناقته ياناقته مـن خيـار النـوق نـوق
كامله والكامل اللي خلقهـا فـي وفـاق
ممتطيها ناصر الشعر معروف العـروق
شاعر في جيل يكثر به اصحاب الزعاق
يبتعد قول الصدق يختفي صك الحقـوق
يظلمونك مـن بعـد جلستيـن وإتفـاق
بيرق الشعر اشتكى مايبي شاعر شفـوق
يبغي اللي مثل ناصر وشعره فاق فـاق
إنظلم من لجنة مابهـا واحـد صـدوق
يتبعون النشـوه اللـي حياهـا مايطـاق
يكتمون الحق والصدق يملونـه شقـوق
فتًنوا بين العرب واخربوها في المسـاق
وش نقول بلجنـة ماتحيـط إلا العقـوق
مالها في شعر وأشعار شعَـار الطبـاق
كيف فرعون الشعر يوصفونه بالفسـوق
يوم يتغزل عليهم خيالـه طـاق طـاق
ينجلي ليل الدجى يختفي بـدر الصفـوق
يظهر الحق السديد السليـم مـن النفـاق
يبتسم وجه السعد والسعيد يزيـد شـوق
من وراهم يلعب اللعب ويحـط الدقـاق
والحسن دكتورهم من غروب ٍ في شروق
يتبع الحرمه بقوله ولا لـه مـن رفـاق
هامتك ياناصر اليوم زادت فـوق فـوق
من ينافس هامتك مايـذوق إلا الشقـاق
أجمع العالم على قدرتك مـن كـل ذوق
والشعر في خير دامك معانا بـاق بـاق
ناقته ياناقته مـن خيـار النـوق نـوق
كامله والكامل اللي خلقهـا فـي وفـاق
الخميس أبريل 24, 2008 9:22 pm